Part iv

Clyde was always the quiet one outa di whole a we, maybe because him voice was a little squeeky and too soft fi a boy. Him and me was almost in the same situation but him did have four bredda and no sister and him father was around but him was di biggest drunk ina ville.
Missa Betram used to come out early every morning and go a di bar cross di street from di house and order him special fi di morning ''rum and milk''. Him say him was a plumma but every Friday when him get him pay him find a bar way out a ville fi drink and come in Satuday morning. Anytime Mr Betram come in Pookie always put har ears a di fence because  Clyde madda always a ask him fi di market money fi go market and him always a look fi it and cyaa find it. Every Saturday morning di same ting , ever since dem live dere.  Mr. Betram always come in wid him pocket dem tun out and still always try fi find money ina di pocket, den now Mrs Betram always wet him wid har washing water .
  One morning when mi ready fi go school and call Clyde him say him not going wid us dat morning him have a ride. Me, Ballie and Pigin Toe jus tek it cross Stadium as usual and head out. When we look is Clyde dat drive pass we ina one Leyland truck wid di man whey dem say a big Construction Supervisor from up a Headquarters. Clyde was a slim brown yoot wid bow legs and gray eyes, di people dem ina ville always call him Pretty Slim . When we reach school Clyde reach long time and all did a eat a corn-beef and corn-bread sandwich . I ask him if him cudden gi we a ride and him say di man say is only space fi one him have. Me and Balle  ask him fi piece a him sandwich and not even dat him gi we.
  The big man was a coolie man and him did start come fi Clyde a evening time but when we reach home Clyde still neva reach home . Mrs Betram say Clyde a go music class.. Yes dats what she tell my madda
All of a sudden di big man was him God-Father and him start go music class a evening with him and the man kids dem. Saturdays , Clyde go up a di big man fi weekends and come home Sundays. Mrs Bertram stop ask Mr Bertram fi money when him come home so Pookie neva have no more fight fi watch . We stop see Clyde and him stop talk to we but we notice him walk wid him head down most a di time  and start play dandy shandy a school hawd hawd. My mother say she notice say him start walk different but Mrs Bertram tell har say is man him a tun. She did proud a him .
    Me  and Ballie start sell di big man from Headquarters di green ting anytime we teef it from di calaloo man. Until one day me and Ballie go down a di bed and try go ina him room when we tink him gone, Ballie push di door and Me go in behind him and see di calaloo man naked wid calaloo lady . We did waa move and cudden move sumting say run and we cudden run. Calaloo lady was owla dan Calaloo man she was a very ole ole lady . I tink das why me and Ballie cudden move.. All we did hear was '' UNNO KUM OUT, DEVIL UNNO, KUM OUT''