HAITI- PAT ROBERTSON

ROBERTSON: Desperately poor. That island of Hispaniola is one island. It's cut down the middle. On the one side is Haiti; on the other side is the Dominican Republic. Dominican Republic is prosperous, healthy, full of resorts, et cetera. Haiti is in desperate poverty. Same island. They need to have and we need to pray for them a great turning to God. And out of this tragedy, I'm optimistic something good may come. But right now, we're helping the suffering people, and the suffering is unimaginable.

The Beginning VI Ghetto Steak

The Beginning V1 Ghetto Steak

Pigin Toe , Me and Ballie did have a nex fren name Survival whey did come from over Swallowfield Close. We meet him when we walk down fi go chew Swallow fi go a school. Survival was a a year younger dan we and him say is Brooklyn him come from. Him used to talk funny and Pigin Toe start follow him sometimes when we used to go a PT house him used to come out when we call him and say ''What up yo'' PT was di one outa di whole a we whey did have dreams and riding nightmares bout dis Brooklyn. People used to tink him was a farrina because a how him tek ova Survival talk.

White wash works did done now because election did gone and Headquarters did still ina swing. My mother go back up deh go beg di Big Man dem fi keep we on because di money did a help har fi cook food fi we a evening time. We graduate from dutty gyal to ghetto stake:- curry, stew, kentucky, all wid ackee... yes we have ghetto stake galore

Two a di Big man dem say dem wudda need we fi clean up headquarters and clean up dem yard fi dem till di summer holidays start.

One evening Mitsy from cross back bush run chew di front gate wid a half a block ina har han and lick Mumma Pigin wid it. Di whole a ville rush out and di white man stan up lookin whiter dan eva. Mi madda rush out and gi Mumma some sweet suga and water and Mitsy did still stan up outside and a cuss say Mumma borrow har clothes dem fi ketch di man dem and is she shoulda get di white man . Mumma Pigin rush in fi di chimmy and dash out di contents pan Mitsy and di whole a ville see. Di poor white was seen fleeing the scene wid him suitcase and di clothes dem a heng outa it and a run a fan dung cyar . Mumma Pigin neva know say him gone tell di crowd lef.

One weekend Clyde come home and we did see say him bore him ears, a gold sleeper was ina him right earlube. PT ask him why him do it and him say di big man carry him go a di indian shop go bore him ears. My madda did a grumble as to wha happen to Mrs Bertram, cause people ina ville know say anybody dem see wid earring a batteyman . Anyway talk travel chew di whole a ville bout Clyde and di earring till di big man whey run ville sen fi him and den sen him back and we only see di BigMan truck come pick him up. Dem say Clyde cudden come back a ville agen..

Well , Clyde did bore him ears, a walk funny and him neva waa play marble nor nuttin wid we agen. Not even ludu

Me,PT, and Ballie pass we common entrance, and di whole a we did set fi go three different school, I pass fi go George's , Ballie fi Excelcior and PT fi Jamaica College. My madda did deh pan why ole people say is could nine... a tink she go few stories higher. She tell everybaddie say mi pass but under all di happiness mi cudda hear har a cry ina har bed a night time. She couldnt find my school fee and money fi rent mi books and buy all those things whey mi did a go need fi di September..

And that is how mi did reach a di BigMan house fi sure that Summer

The BigMan house was big nice place, mi did have mi own room , him wife was a nice pretty brown skin lady. Dem did have 3 children but something about the BigLady she neva yet a smile. Mi play wid di children dem whey dem did have and mi always notice the Lady a tip toe and a come watch mi.

One day after we finish play nintendo the BigLady call mi in har room and tell mi fi sidung beside har pan di bed..